SMARTOUR nittartakkakkut pikkorissarneq: Modulit ataatsimut isigalugit nassuiarneri


Aallaqqaasiut: 

Europa-Kommissioni naapertolugu smartimik takornarialerineq tassaavoq immikkoortut sukkasoorujussuarmik allanngoriartuaarnerinni unammillernartut pisariaqartitallu naaperiarnissaannut atorluagassaq. Digitalikkut sakkunik, sanaanik kiffartuussutinillu ineriartortitsinermik imaqarpoq; tikeraartunut tamanut assigiimmik isertitsisinnaanermut periarfissiisinnaanermullu tunngalluni; piffinni innuttaasunut piujuartitsisumik ineriartortitsinermut taamatuttaarlu suliffeqarfinnut nutaaliornermik sammisallit, piffinni immikkuullarissunik piginnaasalinnut kulturikkullu eriagisassanut. 

Suliniut SMARTOUR nittartakkakkullu pikkorissaatit inerisarneqarput taannarpiaq nassuiaasersuut malillugu. Pikkorissarneq modulinut 7-nut agguagaavoq, smartimik takornarialerinerup suuneranik aammalu periutsit isumassarsiallu qanoq smartiunerusumik piujuartitsisumillu atorneqarsinnaanerinnik inuussutissarsiornermut ilinniartunut takornarialerisunullu paasitsitsinissamik ikiuinerullutik.

Pikkorissarnerup naanerani apeqqutinut allattuiffik piumaarpat, taanna modulit pitsaassusaannik nalilersuutitut aammalu imarisaannik pitsannguutissaqarnersoq takussutissiisussaammat.

Smartimik Takornarialerinermut aammalu Piujuartitsisumik Takornarialerinermut ilisarititsineq

Smartimik takornarialerineq suua?

UN Toursim Glossary (2025) malillugu takornariartarfik tassaavoq “piffimmi tigussaasumi allaffissornertalimmi/allaffissornertaqanngitsumi aammalu/imaluunniit killilimmik misissueqqissaarfiunngitsumi tikeraartut unnuisinnaaffiat. Takornariaqarnerup naleqalersititsisuinik tuniniagassanik, kiffartuussutinik, susassanik misigisassanillu imaqarpoq, taakkulu takornariaqarnerup iluani ataatsimoorussamik misissueqqissaarfiusinnaallutik. Takornariaqarfik susassaqartunik assigiinngitsunik peqataatitsisuuvoq takornariaqarfinnillu allanik attaveqaqatiginnittuulluni. Tigussaanngitsunik aamma imaqarpoq tusaamaneqarnermigut kinaassutsiminillu ilusilimmik, matumani unnammillersinnaassusaanik sunnerneqarsinnaalluni.”

Smartimik takornarialerinerup angalanermi misigisassat pitsanngortinnerunissaanut takornariaqarfiillu ingerlatsinerinik eqaannerulersitsinissaannut takornariaqarnermi teknologiinit nutaaliaasunik atuinissamik siunertaqarpoq. Digitalikkut atortorissaarutit soorlu mobilini app’it, sumiissusersiutit, datanik misissueqqissaarutit isaaviillu attaveqatigineqarsinnaasut atorlugit tikeraartut namminermut tulluarsakkanik paasissutissanik imarisaanillu piffissami tassanerpiaq pissarsiaqarsinnaapput. Smartimik takornarialerineq pitsaanerusumik aaqqissuussinissamut iluaqutaasarpoq, illoqarfiillu takornarianik isaatitsinerinik aqutsinissamut tattoqinnissaraluamullu millisaanissamut  iluaqutaasarluni aammalu naleqarluartunik piujuartitsisunillu kiffartuussutinik neqerooruteqartarluni, taamaalilluni takornariarpassuaqarnissaraluamut sunniutinut pitsaanngitsunut millisaasarluni.

Takornariaqarnermi neqeroorutaasut nutaaliat ilagissavaat teknologiimik atuinikkut  angalanissamik ajornanngillisaaneq peqataanartumillu takornarianut neqerooruteqarsinnaanissaq, taamaattumillu smartimilk takornarialerinerup siunertarivaa takornarianut attaveqarsinnaasunik inummullu tulluarnerusunik misigisaqartitsinissamik pilersitsinissaq.

Lopez de Avila (2015) malillugu smartimik takornariaqarfik tassaavoq ”takornariartarfik nutaaliaasoq, teknologiinik atuilluni attaveqaasersuutinik suliaasoq, takornariaqarfinni piujuartitsinissap ineriartornissaanut qulakkeerinnittoq, tamanut ammaassisoq,  tikeraartunullu avatangiiserisamut attaveqarsinnaanerannik peqataalersinneqarsinnaanerannillu qaffatsitsisoq, takornariartarfimmi misigisassanut pitsannguisoq nunaqartullu inuunerinnut qaffassaataasoq”.

Europa-Kommissionip smartimik takornarialerineq digitalikkut atortorissaarutinik inerisaanermik taavaa, takornariaqarfinnik, ingerlatsisunik takornarianillu sanaanik kiffartuussutinillu assigiinngitsorpassuarnik atuilluni atassusiisoq, ataatsimut isigalugu piffinni innuttaasunut piujuartitsinermik ikorfartuisoq – tamatumanilu aamma nutaaliornermik suliaqartunut kulturikkullu eriagisassanut. Naatsumik oqaatigalugu smartimik takornarialerinerup ujartugaraa takornarialerinerup piujuartitsisunngornissaa aammalu tamanut tikikkuminartuunissaa.

Piujuartitsisumik takornarialerineq suua?

Piujuartitsisumik takornarialerinerup tamakkiisumik nassuiaasersornera Andrew Holdensip atuakkiaani Environment and Tourism-imi (2000) nassaassaavoq, tassani ersarissarneqarmat piujuartitsisumik takornarialerinerup soqutigisarigaa, takornarialerinerup kingunerisaanik aningaasaqassutsimut, inuiaqatigiinnut avatangiisinullu sunniutigisartagai - piffissami sivikinnermi sivisunermiluunniit - pingaartissallugit. Aammattaaq isumalluutit akisussaassuseqartumik aqunnissaannik imaqarpoq, inuiaqatigiinni naapertuunnerusumik pinissamut aammalu piffinni innuttaasunik tapersersuinissamut.

Modulit tamakkiisumik isigalugit

Piujuartitsisumik takornarialerinerup tamakkiisumik nassuiaasersornera Andrew Holdensip atuakkiaani Environment and Tourism-imi (2000) nassaassaavoq, tassani ersarissarneqarmat piujuartitsisumik takornarialerinerup soqutigisarigaa, takornarialerinerup kingunerisaanik aningaasaqassutsimut, inuiaqatigiinnut avatangiisinullu sunniutigisartagai - piffissami sivikinnermi sivisunermiluunniit - pingaartissallugit. Aammattaaq isumalluutit akisussaassuseqartumik aqunnissaannik imaqarpoq, inuiaqatigiinni naapertuunnerusumik pinissamut aammalu piffinni innuttaasunik tapersersuinissamut.

Modul 2: Smartimik takornarialerineq tikikkuminassuserlu

  • Siunertaq: Uani modulimi misissorneqassaaq qanoq digitalikkut atortorissaarutit aammalu smartimik teknologiit atornerisigut takornariaqarneq tamanut tikikkuminartunngortinneqariartuaarsinnaanersoq. Smartimik tikikkuminartumillu takornarialerinermi anguniarneqartoq tassaavoq, qulakkiissallugu kikkut tamarmik assigiimmik takornariarnermi iluatannartumik misigisaqartinneqarnissaat. Modulip takutippai asserusuutit aammalu best practicet, takornariaqarfinnut allanut ingerlateqqinneqarsinnaasut, taamatuttaarlu EU-p qanoq suliniutit taamak ittut tapersersortarnerai.

Modul 3: Smartimik takornarialerineq piujuartitsinerlu

  • Siunertaq: Ilikkassallugu qanoq smartimik takornarialerineq avatangiisit piujuartinnissaanut ikorfartuutaasinnaanersoq, aammalu smartimik piujuartitsisumillu takornarialerinerit qanoq imminnut atanersut, piffinnilu takornarialerinermi qanoq inerisaaniarnermi sakkutut marluutillugit atorneqarsinnaanerat. Modulimi itisilerneqarput oqaatsip takornarialerinerup isumaa, susassaqarfiup imartunerujussua, susassaqartorpassuit aammalu piujuartitsinermik takornariaqarnermi pilersuisoqatigiit imminnut pinngitsoorsinnaannginneri (Sustainable Tourism Supply Chain – STSC) sammineqarlutik. Pilersuisoqatigiit iluinni ajalusoortitsisinnaasunik, pissaaneqartunik suliffeqarfiillu assigiinngitsunik eqqarsartaaseqarnerinik ukkatarinnippoq.

Modul 4: Smartimik takornarialerineq digitalinngorsaanerlu

  • Siunertaq: Uani modulimi takornarialerinerup iluani digitaliseriineq sammineqarpoq – suleriaaseq, digitalikkut atortorissaarutinik isaavinnillu atuinermik imaqartoq, aqutsinermut, sullitanik peqataatitsinerunermut aaliangiinissanullu eqaannerulersitsinissamik siunertaqarpoq. Modulip smartimik takornarialerinerup iluani ataqatigiiat suuneri misissorpai, datat sorliit atorneqarsinnaanersut, datat taakku qanoq suliarineqarsinnaanersut qanorlu sulinermi atorneqarsinnaanersut.

Modul 5: Smartimik takornarialerineq aammalu nutaaliorneq kulturikkullu eriagisassat

  • Siunertaq: Uani modulimi misissussavarput qanoq smartimik teknologiit takornariat misigisassaannut pitsanngortitsisinnaanersut ilutigisaanillu qanoq kulturikkut kingornussat ataavaartiinnarsinnaanersut. Smartimik takornarialerineq kultuurikkullu kingornussat eriaginissaat ataatsimoortillugit nutaaliortumik takornariartitsinermi illit sakkussannik tunissavatsigit, tassannga nutaanik nutaaliaasunillu takornarianut misigisassaqartitsisinnaanissannut atorsinnaaniassagakkit. Kulturikkut kingornussat tassaapput pereersunit inuiaqatigiit pisuussutigisaat, taakkulu tigussaasunik tigussaanngitsunillu imaqarput, soorlu oqaluttuarisaanermi sanaartukkat, eqqaassutissat, ilitsoqqussat, inuiaqatigiit assuutaat, oqaatsit ileqqullu. Piffinni inuiaqatigiit kinaassusaannik ataatsimuussusermillu misiginermut toqqammaviliisuusut.

Modul 6: Smartimik takornarialerineq ammasumillu nutaaliorneq

  • Siunertaq: Uani modulimi ammasumik nutaaliornerup smartimik takornarialerineq qanoq allanngortinneraa misissussavarput. Misissussavagut qanoq ilisimasanik avitseqatigiinneq, teknologi susassaqartunillu ilanngussineq smartiunerusunik tulluarsallaqqinnerusunillu takornarialerinermi ataqatigiiaanik pilersitsisinnaanersut. Siunertaavoq qanoq ammasumik nutaaliornerup qajannaannerusunik piujuartitsisinnaanerusunillu takornariaqarnermi aaqqissuussaliortitsisinnaanersoq.

Modul 7: Smartimik takornarialerineq, inuiaqatigiinnik nutaaliorneq innuttaasunillu peqataatitsineq

  • Siunertaq: Uani modulimi assersuutinik takutitsilluta smartimik takornarialerinerup teknologiiginnakkut iluaqutaaginnannginnera, kisiannili pitsaasumik inuiaqatatigiinnut allannguisinnaasoq iserfigissavarput. Takorlooruk piffimmut nutaarluinnarmut pillutit, tikeraarnerit ilinnuinnaq pisuunnguallaataaginnarani kisiannili piffimmi innuttaasunut, kulturimik kingornussat illersorneqarnerannut piujuartitsinerullu qaffassarneqarneranut iluaqutaasoq.

Pikkorissarnermi ilikkakkat ataatsimoortinneri:

SMARTOUR-imi pikkorissarnerup naammassinerani peqataasut makkuninnga piginnaasaqalersimassapput:

  • Smartimik, piujuartitsisumik peqataatitsisumillu takornariaqarnermi periutsinik paasisimasaqalerneq atuisinnaalernerlu

  • Atortorissarutit digitaliusut teknologiillu atorlugit takornarialerinermi sullissinerit misigisaqartitsisinnaanerillu pitsanngortissinnaalerneri

  • Nutaaliamik suliffeqarfiliornissamut aammalu suleriutsinik piujuartitsisunik inerisaasinnaaneq

  • Nammineq suliniarnermi caset piviusuneersut misissoqqissaarsinnaalerneri aammalu best praciticet pilersitsiartuaarnermi nammineq suliamut atuutsissinnaalerneri

  • Takornarialerinerup iluani susassaqarfissanik periarfissaasunik inerisaasinnaalerneq aammalu suliaqarnermi piginnaasanik inerisaaneq






Last modified: Wednesday, 26 November 2025, 5:56 PM