Ilisarititsineq

Modulimut Smartimik takornarialerinermut tikikkuminassusermullu tikilluarit 

Tikikkuminartumik smartimik takornarialerineq – oqaatsip qitianik paasinninneq

Tikikkuminartumik smartimik takornarialerineq aaqqissuussanik annertoorujussuarnik marlunnik ataatsimuulersitsipput:

  • Smartimik takornarialerineq, digitaliusunik teknologiinik atorluaanikkut takornariat misigisaannik pitsanngoriartitsineq, sumunnarfissat aqunnissaanik qaffaaneq kiisalu kiffartuussinermi tunniussaqarnermi pitsanngoriartortitsineq.

  • Tikikkuminartumik takornariartitsineq, kikkunnut tamanut – qanorluunniit timikkut, malugisaatikkut eqqarsartaatsikkulluunniillu piginnaasaqartigigaluaraanni – angalanernut takornarissanullu susassaqartitsiviusunut peqataatitsinissamik qulakkeerinnittoq.

Modulip qitiusumik anguniagarivaa qanoq teknologi, politikki, suleqatigiinneq nutaaliornerlu peqataatitsisumik akornutitaqanngitsumillu takornarialerinermi avatangiisiliorsinnaanersut. Anguniagaq annerpaaq ersarippoq: kikkunnut tamanut takornariarneq – naligiissumik. 

Naapertuilluarneq kisimi pineqanngilaq – inatsisitigut, ileqqorissaarnikkut aningaasaqarnikkullu pisussaaffiuvoq. Inuit 100 millionilikkuutaat EU-mi innarluuteqartuupput tikikkuminartumillu takornarialerinerup niuerfik annertoorujussuaq ammarpaa, ilutigisaanik ataqqinassuseqarneq, nammineersinnaassuseqarneq inuiaqatigiinnilu peqataatitsineq siuarsarlugu.

Sooq tikikkuminassuseq smartimik takornarialerinermi pingaaruteqarnersoq

Takornarialerineq nunarsuatsinni uummarinnerpaamik assigiinngissitaarnerpaamillu immikkoortortaavoq, kisiannili inunnut innarluutilinnut aporfissanik toqqoqqasunik imaqartarluni. Makkuusinnaapput timikkut akorngutit, paasissutissanik ajornannginnerusunik pissarsiarineqarsinnaasunik amigaateqarnerit, assartuussineq iluanngitsoq imaluunniit kulturikkut pikialaarfinnit mattussaaqqaneq.

Smartimik takornarialerineq – sakkunit digitaliusunit intelligentsiusunillu aaqqissuussanit aqunneqartoq – tamakku aporfiusinnaasut piiassallugit allannguinissamik periarfissiivoq. 

Mobilini app’it, QR-kodet, AI-mit ingelanneqartut kiffartuussutit, onlinekkut isaaviit, illoqarfinnilu pilersaarnermi peqataatitsisarnerit ornigarfissat tikikkuminarninngortissinnaavaat, paasissutissiinerulersillugit naaperiaasinnaanerulersillugillu.

Teknologili kisimi naammanngilaq. Piviusumik allorassaarniaraanni pingaarpoq:

  • Takornarialerinermut ilisimasaqarluartunut eqeersimaartitsilerneq ilinniartitsinerlu
  • Best practicenik siammarterineq
  • Tikikkuminassuseqartitsilernissaq anguniarlugu nutaaliornerit
  • Pisortaqarfinnik, suliffeqarfinnik inuinnarnillu suleqatigiilersitsinerit
  • Misiligutitut suliniutinik (pilotprojekter) ilutsinillu alliartupiloorsinnasunik (skalerbare modeller) inerisaaneq

Ilikkagassatut anguniakkat

Modulip naanerani peqaataasut:

  1. Tikikkuminartumik takornarialerinermi tunngaviusunik isumaannillu paasinninnerulersimassapput
  2. Takornarialerinerup iluani smartimik teknologiip tikikkuminassutsimut qanoq pitsanngortitsisinnaaneranik paasisaqarnerulersimassapput
  3. Europa tamakkerlugu ersarissunik assersuutinik best practicenillu misissuissapput
  4. Onlinekkut sakkut isaaviillu (ass. Pantou, SAGE Travelling, Turismabile) atorlugit takornarialerinermi tikikkuminartunik neqeroorutinik nassaartuillutillu inerisaasinnaalissapput
  5. Europamiut suliniutaannik akigititaasalu pingaarutaannik ilisarinnilersinnaalissapput (ass. Access City Award, Smart Tourism Capitals, AccessibleEU).
  6. Takornarianut innarluutilinnut upalungaarsimanermut tunngasunik digitalikkullu attaveqarsinnaaneq pillugu eqqarsaatersuuteqartinneqassapput.

Modulip aaqqissuussaanera

Una moduli qitiusumik immikkoortortanik amerlasuunik aaqqissuussaavoq, tamarmik immikkut smartimik takornarialerineq assiginngitsunik isigineqarsinnaaneranik ukkatarinnittuullutik: 

1. Tikikkuminartumik takornarialerinerup toqqammavia

  • Nassuiaasersuutit annertussutsillu
  • Inatsitigut sinaakkutit (Ass. FN-ip inuit innarluuteqartut pillugit isumaqatigiissutaa, EU-p innarluutillit pillugit pilersaarutaa)
  • Niuernermi ilimanaateqarluarneq ileqqorissaarnissamullu eqqarsaatersuutit

2. Smart teknologiip tikikkuminassutsimik periarfissiinera

  • Mobilimi app’it soorlu VIP Code Reader aammalu NaviLens Go
  • Digitalikkut ilitsersuutit, ussersorluni oqalulluni videot aammalu nunap assii attaveqateqarsinnaasut
  • Tamanut iserfigineqarsinnaasuni katersugaasivinnilu smartimik attaveqaasersuusiorneq

3. Onlinekkut isaaviit quppersakkallu

  • Exploring tools like:
    • Pantou.org – takornarialerinermi kiffartuussiviit tikikkuminartut pillugit quppersagaq
    • SageTraveling.com – ilisimasaqarluartumik toqqammaveqarluni angalanissamut pilersaarusiorsinnaaneq
    • Turismabile.it – Italiami nunap iluani tikikkuminartut pillugit isaavik

4. Best practice assersuutillu

  • Suliniut Sit&Enjoy (Taranto, Italien): Issiaviit eqqumiitsuliat QR-kodetallit
  • Wien aammalu Access City Awardimi ajugaanikut
  • Smart Tourism Capitalimit innersuunneqartunit assersuutit

5. Europamiut suliniutaat attaveqarfiillu

  • AccessibleEU Centre
  • European Network for Accessible Tourism (ENAT)
  • AccessibleEU Community of Practice

6. Upalungaarsimaneq attaveqatigiinnerlu

  • Takornarissanut kalerrisaarutit
  • Angalanissamut nalunaarsuutit elektroniskiusut
  • Mobilinut app’it ajornartoornermi suliaqarsinnaasut (ass. Spaniap Registro de Viajeros )

Sooq moduli una pingaaruteqarnersoq

Nunarsuarmi digitalinngoraluttuinnartumi atassuteqaleraluttuinnartumilu pingaaruteqaleraluttuinarpoq qulakkiissallugu kinaluunniit takornarialerinermi mattunneqassanngitsoq. 

Uuma modulip peqataasut takornariaqarnerup peqataatitsinerulernissaanut, nutaalianngornerunissaanut piujuartitsisuunissaanillu ilisimasaqartilissavai, sakkussaqalersillugit isumassarsiaqalersillugillu.

Tamassumap takutippaa tikikkuminassutsip killilersuinnginnera – kisiannili periarfissiinera, matumani misigisaqarluarnerulersitsinissamut pilertortitsinissamut, inuit saaffigisat annertuninngortinnissaanut naapertuunnerusumillu inuiaqatigiittoqalernissamut taperseeqataanissamut.


Naggataani eqqarsaatersuutissaq

Soorlu Europa-Kommissionip oqaatigigaa:

”Tikikkuminassuseq tamanut inuunermik pitsanngoriartitsisuuvoq – kisiannili inunnut innarluutilinnut tamanna pingaaruteqarluinnartumik inissisimavoq, toqqammaviusumik pisinnaatitaaffii tamakkiisumik allat assigalugit eqquutsinneqarnissaat eqqarsaatigalugit”.

Uumap modulip eqqarsaatersuuteqarnissannik qaaqquaatit, matumani qanoq smartimik takornarialerineq tamanik peqataatitsisunngoraangami aatsaat smartivinngortarnersoq eqqarsaatersuuteqarfigissagakku.


Ostatnia modyfikacja: sobota, 15 listopada 2025, 15:22