Tikikkuminassuseqartumik smartimik takornarialerineq

Smartimik takornarialerinermi toqqammaviusumik anguniarneqarpoq kikkut tamarmik naligiissumik takornariarnerminni ilorrisimaartinneqarnissaat. Allatut oqaatigalugu, killiliissutit suugaluarpataluunniit aporfigineqassanngitsut. Tamannali takornariaqarfinnut tupinnanngitsumik unammillernartuuvoq.

Ukiuni kingullerni takornarialerinermi tikikkuminassutsip iluani alloriartoqarnikuuvoq. Takornarialerinermilu teknologi atorneqartoq – smartimik takornarialerineq – tikikkuminassutsimut sakkuni pingaarnerpaavoq.


Vista desde lo alto de una montaña con vista al mar El contenido generado por IA puede ser incorrecto.


Tikikkuminartumik smartimik takornarialerinerup qulakkeernissaanut suliniutit makku pingaarnersani ilaapput:

1. Sammineqarnera eqqummaariffigineqarneratalu annertusineri

2. Assersuutinik best practicenillu siammarterineq

3. Nutaaliornerup siuarsarnera

4. Siunissami tikikkuminassutsimut suliaqartunik tapersersuisarnissaq

5. Pilersaarutinik tamakkiisunik piviusunngortitsinissamut piffinni oqartussanik, suliffeqarfinnik peqatigiiffinnillu ataatsimut suleqatigiilersitsineq

6. Tikikkuminassutsimut apeqqummut takornarialerisuinik ilinniartitsineq

Pioreersunik takornarialerinermi kiffartuussutinik atortussanillu toqqagassarpassuaqareerpoq, takornarialerinerup iluani tikikkuminassutsimut annertusaanissamut sakkussanik aamma peqarluarpoq. Assersuutit – tamakkinngikkaluarlugit – makkuupput.

Takornarialerinermi tikikkuminassutsimut annertusaanermi sakkut assersuutigisat:

1. Tikikkuminartumik takornarialerinermi kiffartuussutit onlinekkut quppersakkat (katalog)

2. Piffimmi innuttaasut takornarissallu misigisaannik assigiissitaartitsiniarluni smartimik takornariaqarnermi teknologiinik atuineq

3. Tikikkuminassutsimut tunngatillugu app’it ikiuutit

4. Tikikkuminassutsimut tunngasunik onlinekkut ilitsersuutit

5. Aaqqissuussisoqartillugu tikikkuminassuseq pillugu onlinekkut aqqutissiuussinerit

6. Tikikkuminassuseqartumik takornarialerinermi best practicenik assersuusiat

7. Ussersorluni videoliat

8. Onlinekkut pikkorissaanerit ilinniartitsinerillu

9. Katersugaasiviit inunnut eqqarsartaatsikkut inuusaasikkullu ineriartornikkut assigiinngiiaartunik killiffilinnut digitaliusunik atortorissaarutillit

Atagu tikikkuminartumik smartimik takornarialerinermi assersuutit takusaqarfigilaarallartigit.

  1. VIP Code Reader app’eq inunnut tappiitsunut isigiarsuttunulluunniit sanaajuvoq, smartphonevit assiliivia app’illuunniit allat atorlugit QR-kodenik atuaasinnaanngortitaavoq. Isigisaqanngikkaluarluni QR-kodenut atortorissaarutit aalanikkut qanillisinneqarnerani app’i nipiliorsinnaanngortinneqarnikuuvoq, taamaalilluni isigisaqanngikkaluarluni kode naniuminartunngortinneqarluni taamaalillunilu scanniisoqarsinnaanngorluni.

App’imik imaattumik nassaassaqarpoq: https://vip-code-reader.en.aptoide.com/versions


  1. Navilens-kodet, titarnernik imaluunniit QR-kodenik atuaasinnaasunut assingusoq, qalipaatilinnik atuaasartoq, tappiitsut isigiarsuttulluunniit mobilii taakkuninnga atuaasinnaalernerat periarfissaatilerpaa. QR-kodenit sanilliullugit ungasinnerusumiit scannerisinnaapput, atortorissaarut ukkataqartinneratigut uninngateqqissaartinneqartariaqanngilaq, piffinniillu assigiinngitsunit scannerisinnaalluni. Navilens kodet illoqarfinni, takornariaqarfinni, assartuussissutini kiffartuisarfinnilu nassaassaasarput – aammalu atortorissaarutit nerisassallu allassimaffiisa ilaanni.  

App’imik akeqanngitsoqarpoq: NaviLens Go

https://www.navilens.com/


  1. Nittartakkat tikikkuminassutsimik takornarialerineq pillugu paasissutissiisartut onlinekkut atorluarneqarnerpaat ilagivaat.

Sage Traveling assersuutissaavoq. Nittartagaq taanna tikikkuminartumik takornarialerineq pillugu paasissutissanik neqerooruteqarpoq, taamatuttaarlu takornariaqarnermi kiffartuutit ornigarfissallu tikikkuminassusaannik nalilersuisinnaalluni.

https://www.sagetraveling.com/



  1. Pantou tikikkuminartumik takornariaqarnermi atortunik kiffartuussutinillu onlinekkut quppersagaqarfiuvoq NGO-nit aqunneqartoq. Atuisut isaavik takornariaqarnermi neqeroorutit tikikkuminartut ujaarlerfigisinnaavaat sumiissusersisinnaallugillu. Paasissutissanik uunga aallersinnaavutit:

https://pantou.org/


  1. Illoqarfimmi aqqutit tikikkuminartut

Illoqarfimmi aqqutit tikikkuminartut pillugit best practiseni assersuutitsialak tassaavoq suliniut Sit&Enjoy, Tarantop kommuneanit aallarnerfeqartoq. Suliniutip illoqarfik issiavilersornikuuaa pulaagassanillu pilersitsiortorluni, taamaalillutik innarluutillit nammineerlutik illoqarfik misigisassarsiorfigisinnaaniassammassuk tamanullu peqataatitsilluni takornarialerineq qaffassarlugu. Issiaviit tamarluinnarmik immikkut eqqumiitsuliatut sanaajupput, tamarmillu immikkut QR-kodeqarrallutik, tikeraartut illoqarfimmiullumi illoqarfiup oqaluttuassartaanik tusarnaagassaqarsinnaanngortillugit taamatuttaarlu takusassanik siunnersuisinnaanngortillugit – oqaatsit sisamat assigiinngitsut toqqagassaapput. 

https://sit-enjoy.it/


  1. Tikikkuminassutsimik takornarialerinermi isaaviit

Illoqarfiit ilai digitataliusunik isaavinnik neqerooruteqarput, takornarialerinermi kiffartuussutit pillugit onlinekkut oqaloqateqarsinnaanngortitsillutik.

Best practicemut assersuutissatsialak tassaavoq isaavik illoqarfimmi Turinimi Italiamiittumi inerisarneqarnikoq. 

Turismabilep peqataatitsineq qaffassarpaa peqqissaartumik paasinarluinnartunillu takornarialerinermi kiffartuutit pillugit, soorlu unnuiffissat, neriniartarfiit katersugaasiviillu, tikikkuminassusaannik atoruminassusaannillu paasissutissanik neqerooruteqarnerminik. 

Uani paasissutissanik annerusumik pissarsisinnaavutit:

https://www.turismabile.it/


Onlinekkut isumalluutit atassutillu:

Tekonologii tikikkuminassusermut tunngasunik onlinekkut digitalikkullu atortunik nassaassanik iserfissaqartitsivoq – pingaarnertullu takornariaqarnikkut tikikkuminassutsimut tunngasut. 


1. AccessibleEU

Eurpamiuni tikikkuminassutsimut suliniummik pingaarutilimmik nassaassaqarpoq. Europakommissionip inunnut innarluutillit pisinnaatitaaffiisa iluani periusissialiaani 2021-2030 suliniutini pingaarnersat ilagivaat AccesibleEU. Tikikkuminassutsimut atortunut qitiuvoq, avatangiisit sanariikkanut, assartuutinut, paasissutissanut attaveqatigiinnermullu teknologiinut sullitaqartunut saaffiginnittuulluni, tassani inuit innarluutillit inuunerup iluani allatuulli pisinnaatinneqarsinnaanissaat anguniarneqarluni.

Uani paasissutissanik annerusunik pissarsisinnaavutit:

https://accessible-eu-centre.ec.europa.eu/index_en


  1. European Network for Accessible Tourism (ENAT)

Tikikkuminartumik takornarialerineq pillugu ukkataqartumik onlinekkut sakkumik saqqummiussaqarusuppugut: European Network for Accessible Tourism (ENAT). Peqatigiiffiup suliniutigivaa europami takornarianut orniguffiit, tikeraartunut pisiassat kiffartuussutillu tikikkuminartunngortinnissaat, taamatuttaarlu nunarsuaq tamakkerlugu takornariaqarnerup qaffassarnissaa. Onlinekkut immikkoortortat ilaat ENAT-ip peqataaffigisaa soqutiginaateqartoq tassaavoq AccessibleEU Community of Practice, katugutsitilluni ataatsimoortitsisoq, tikikkuminartumik takornariaqarneq pillugu onlinekkut apeqqutilliisitsisinnaanngortitsisuusoq. 

Uani paasissutissanik annerusunik pissarsisinnaavutit:

https://accessibleeucentre.criteria-campus.com/login/index.php

  1. Smart Tourism Capitals of Europe

tassaavoq EU-p suliniutigisaasa ilaat, piffinni assigiinngitsuni best practicenik akuersaartoq – matumani tikikkuminassuseq. Tassunga atatillugu onlinekkut atortuni soqutiginarnerpaaq tassaavoq, qanoq best practisemik atuisinnaanermik ilitsersuut, taakku illoqarfinnit nersornaaserneqarnissamut innersuunneqarsimasuneerlutik. Assersuutit amerlasuut toqqaannaq takornarialerinerup iluani tikikkuminassusermut tunngasuupput.

Ilitseruut onlinekkut ugguuna nanisinnaavat:

https://smart-tourism-capital.ec.europa.eu/best-practices/european-capital-smart-tourism-best-practices_en


  1. European Access City Award

Takornariaqarfinnut pingaarnersat ilagivaat illoqarfiit, taamaammallu tikikkuminassusaat apeqqutaasorujussuullutik. Europamiuni European City Awardeqarpoq, tassani tikikkuminassutsimut tunngasunik siuariaateqartunik nersornaasiisoqartarluni. Nersornaat Europa-Kommissionimit Europa Disability Forum suleqatiginerisigut tunniunneqartarpoq, illoqarfiit tikikkuminassutsip iluani avatangiisit sanariikkanut, assartuutinut, paasissutissanut attaveqatigiinnermullu teknologiinut tunngasunik taamatuttaarlu tamanut kiffartuutinik suliaqassallutik salliutitsisunik akissarsitsitsisarlutik. Pisortatigoortumik nittartagaqarput, tassani illoqarfiit nersornaasigaanikut allattorsimaffiat nanineqarsinnaalluni aammalu taakku suliniutaannik nutartikkanik isumassarsiffiusinnaasunillu paasissutissanik nassaartoqarsinnaalluni.

Ugguuna nittartagaat iserfigalugu pulaarsinnaavat:

https://commission.europa.eu/strategy-and-policy/policies/justice-and-fundamental-rights/disability/access-city-award_en


Tikikkuminaatsuuneq aammalu smartimik takornarialerineq

Nunarsuaq paasiuminaalligaluttuinnarpoq, tamannalu toqqaannaq takornarialerinermut sunniuteqarpoq. Silaannaap allanngoriartorneraniit geopolitiskikkullu eqqissiviilliornerit – kalerrisaarutit aalajangersimasut ajornartoorfiillu takornariat orniguffiinik sunniisinnaapput. Taamaammat takornariaqarfinni digitaliusumik takornariat allattorsimaffii kalerrisaarinermilu atortut pingaaruteqaleraluttuinnarlutik. Tikinneqarsinnaajunnaarfiusunik kalerrisaarisinnaapput, tamanna eqqartukkamut tulluarpoq, takornariat takornariartillutik offlineqqakkajuttarmata, eqqissisimaarujoortarmata paasissutissanillu ujarlertaratik. 

Tassunga atatillugu takornariat mobiliini kalerrisaarinermi atortut pingaarnerpaatut inisseqqapput. Ajornartoorfinni taakku atortut aqqutigalugit takornariat mobiliminnit paasissutissanik pisinnaasarmata. Takornariarli paasissutissanik taamak ittunik pisinnaassaguni elektroniskimik angalanermi allattorsimaffimmi allaqasuutigineqaqqaartariaqarpoq. 

Nunat ilai app’inik inerisaanikuupput, ajornartoorfinni ajornannginnerusumik paasissutissanik ikiuutissanillu pisoqartissinnaanngortillugu.

Spaniamiut nunanut allanut ministereqarfia assersuutissaqqippoq, taanna digitaliusumik angalasut allattorsimaffiannik app’imillu peqarmat:

https://registroviajeros.exteriores.gob.es/



Interfaz de usuario gráfica, Aplicación El contenido generado por IA puede ser incorrecto.


Taamak iliornikkut takornariat sumiiffigisaminni toqqaannaq mobiliminnut ajornartoortoqartillugu imaluunniit navianartumik pisoqartillugu allaffigitissinnaapput. Tamanna immikkut pingaaruteqartupilussuuvoq takornariat takornariarfimminni eqqissisimaarnerminni ilorrisimaarnermilu offlineqqakkajuttarmata paasissutissanillu ujartuisaratik,


Texto El contenido generado por IA puede ser incorrecto.

Nassuiaatigineqartut atuaqqissaakkit. Isumasiuutit tamavimmik oqaatsimut ataatsimut attuumassuteqarmata. Oqaaseq eqqortoq ujaruk kryds og tværsillu immersuiffissaanut oqaaseq tulluartoq allallugu.





Zuletzt geändert: Samstag, 15. November 2025, 15:53