Smartimik takornarialerinermut piujuartitsinermullu modulimut tikilluarit.

Smartimik takornarialerinerup aammalu piujartitsisumik takornarilerinerinerup qanoq imminnut ataqatigiinnerinik ilinniartunut, ilinniartitsisunut takornarialerisunullu paasinninnerulernissaq piginnaasanillu qaffatsitsinissaq pillugit una moduli inerisarneqarnikuuvoq – taakkulu piffimmi ataatsimi qanoq takornarialerinermi ineriartortitsiniarnermi sakkutut atorneqarsinnaanersut sammineqassallutik.

Modulip takornarialerinerup isumaa, susassaqarfiup taassuma katitigaanera, susassaqartullu assigiinngitsorpassuit itisilerlugit sammissavai, taakkulu piujuartitsisumik takornarialerinerup iluani pilersuisarnermut (STSC) qanoq imminnut pinngitsoorsinnaannginneri sammineqassallutittaaq. Aammattaaq katitigaanerup iluani aarlerinarsinnaasunut tunngatillugu suliaqarnermik, pissaanerit inissisimaffiinik aammalu suliffeqarfiit eqqarsartaasiinik, pilersuinerup iluani pisartut, sammisaqassallutik.

Anguniagaq annerpaaq tassaavoq ilinniartunut takornarialerinerup iluani pilersuisut qanoq katitigaallutik inissisimanerinnik piujuartitsinissallu qulakkeernissaanut piumasaqaataasunik paasititsinissaq.

Anguniagaq ilikkagassallu

Uumap modulip naanerani ukuninnga paasinnissimassaatit:

  • Oqaatsip smartimik piujuartitsisumillu takornarialerinerup isumasiorsinnaanngornera

  • Takornarialerinerup iluani pilersueqatigiinneq paasissaqarfigissavat, tamassumalu piujuartitsinissamut qanoq isumaqarnera paasisaqarfigissallugu

  • Takornarialerinerup iluani susassaqartut paasinissaat

  • Takornarialerinerup iluani napparissumik (vertikal) nallarissumillu (horisontal) suleqatigiinnerit paasisaqarfigissavatit

  • Aarlerinartuusinnaasunik ilisarinnissinnaalerneq

  • Massakkut qanoq issuseq paasisaqarfigeriarlugu kingorna siunissami smartimik piujuartitsisumik takornariaqarfinngortitsineq

  • Piujuartitsineq pillugu angusassaliornissani suleqatigiinnerit nunallu iluani isumaqatigiittoqarnissaat qanoq pingaaruteqartigineri paasisaqarfigissavatit

  • Takornarialerinermi paasissutissat qanoq piujartitsisumik ineriartornissamut nutaaliornissamullu atorneqarsinnaanersut paasisaqarfigissavatit

  • Pitsanngorsaanermi pilersuisut ataavartumik nalilersorneqartarnissaannik paasinninnissaq

Aallartiinnannguariarta!


Ultime modifiche: sabato, 15 novembre 2025, 17:48