Introduction
Uunga modulimut pissanganartumut tikilluaqqussallutit qilanaarnikuuvugut, tassani smartimik takornarialerineq qanoq ammasumik nutaaliornikkut allanngortinneqarsinnaanera sammillugu misissuataarfigissagatsigu. Moduli ilinniartunut, ilinniartitsisunut takornarialerinermullu pikkorilluinnartunut ilusilersugaalluni sanaajuvoq, takornariaqarnerup siunissaa, suleqatigiinnikkut digitalikkullu nutaaliorneq aqqutigalugit, qanoq ilusilersorneqarsinnaanera sammineqassammat.
Ilisimasanik avitseqatigiinnikkut, teknologiinik atuinikkut aammalu susassaqartunik peqataatitsinikkut takornarialerinermi ataqatigiiaanik (økosystemer) aaqqissuussat qanoq smartiunerulerlutillu tulluarsallaqqinnerulersinnaanersut paasisaqarfigissavatit. Siunertaraarput takutissallugu ammasumik nutaaliorneq qanoq takornarialerinermi aaqqissuussanut qajannaannerulersitseqataasinnaallunilu piujuartitseqataasinnaanersoq.
Modulip naammassinerani makkuninnga ilisimasaqalersimassaatit:
Smartimik takornarialerinerup periaasiinut tunngaviusut paasissavatit, taamatuttaarlu nunarsuarmi pissutsit allanngorartuarnerini nutaaliornerup qitiulluinnarnera aamma paasisaqarfigissallugu.
Oqaatsip ammasumik nutaaliornerup isumaa misissuataassavat, taassumalu ineriartornerup ilutigisaanik matoqqasumik ineriartortinneqartarnikuuneranit maanna suleqatigiiffiusumik atassuteqaqatigiittumillu ataqatigiiaartunngortinneqarsimanera misissuataassallugu.
Nunarsuarmioqatigiinni pissutsit takornarialerinerup iluani nutaaliornermi ammasuutitsisut ilisarisisinnaanngussavatit.
Ammasumik nutaaliornermi qitiusumik ataqatigiaalersitsillutik ilusilersuisartuusut kikkuuneri ilisarisinnaanngussavatit.
Teknologi atorneqartillugu smartimik sakkut, isaaviit, assersuutillu nutaaliortoqarsinnaalersitsisut misissuataassavatit
Sammisassatsinnut itisiliigallarta!