ERASMUS + SMARTOUR-NUUK
Indice degli argomenti
-
Europa-Kommission malillugu smartimik takornarialerineq tassaavoq ”immikkoortortami sukkasuumik allanngoriartupallattumi unammillernartunut pisariaqartitanullu nutaanut naaperiaasoq, matumani atortorissaarutinik digitaliusunik, sanaanik, kiffartuussutinik, tikeraanut tamanut periarfissat assigiinnissaannik, piffimmi piujuartitsinermik taamatuttaarlu suliffeqarfiit nutaaliortunut, piffinni immikkuullarissumik piginnaasalinnut kulturikkullu eriagisassanut inerisaasoq”.
SMARTOUR suliniummi anguniagaq pingaarnerpaaq tassaavoq:
Suliffeqarfimmi ileqqunik pisariaqartitanillu nutaanik aallaaveqartumik takornarialerinermi inuussutissarsiornermi ilinniartunik sulisunillu ilinniartitsissutissanik inerisaaneq
Sakkunik ataasiaakkaanik takornariarfeeqqat, sullissiviit minnerit aallarnisaasullu atorsinnaasaannik tulluarsarsinnaasaannillu neqerooruteqarneq
Inuussutissarsiutigalugu ilinniartunut takornarialerinermilu suliaqartunut susassaqarfinnik pilersitsiviginissaanik periarfissiinerunissaq
Inuussutissarsiutigalugu ilinniarfimmi ingerlariaqqittunut suliniut SMARTOUR neqeroorutaavoq (C-VET). C-Vet toqqammaviusumik ilinniarfiup kingorna imaluunniit atorfittaareernerup kingorna pisarpoq. Siunertaavoq ilisimasat qaffatsinnissaat, innuttaasut nutaamik piginnaasaqalernissaannik ikiuineq, ilinniartitseqqiineq aammalu inuttut suliarisartakkanillu ineriartortitsinissaq. Europa 2020-pilersaarummi silassorissumik, piujuartitsisumik peqataatitsiumillu ineriartortitsineq pingaartinneqarpoq, matumani europap aningaasaqassusaani aaqqissuussaanikkut sanngiiffiit qaangerniarlugit, unammillersinnaanerup naammassisaqarsinnaanerullu pitsanngorsarnissaanut taamatuttaarlu piujuartitsisumik inuiaqatigiit aningaasaqassusaannik ikorfartuinissaq.
Suliniutip aamma anguniagaaniippoq ilinniartitsisut piujuartitsinermut tunngassuteqartunik ilinniartitsisinnaanerisa qaffassarnissaannik. Suliniutip neqeroorutigisassavai digitalimik atortorissaarutit nutaaliaasut, inuussutissarsiornermut ilinniartunut piujuartitsineq pillugu ilinniartitsinermi atorneqarsinnaallutillu naleqqussarneqarsinnaasut. Tamanna nittartagaq aqqutigalugu pikkorissaanermi periutsit nutaat atornerisigut pissaaq, taamatuttaarlu sulisut ulluinnarmi sulinerminni atorfissaqartitaminnik piginnaasaminnik nutarsaallutillu nutaanik ilisimasaqalernissaminnik periarfissinneqassallutik.
Suliniutip pingaarnertut naammasserusutai makkuupput:
R1: Smartimik takornarialerinuerp iluani best practicenik nalunaarusiorneq
R2: Smartimik takornarialerineq pillugu onlinekkut pikkorissaaneq
R3: Pikkorissaanerup teoriitaasa imarisaannik ammasumik atorneqarsinnaasunik IT-kkut atortorissaarutinik atugassanik katersaqarneq
R4: Inuussutissarsiornermut ilinniagaqartunut takornarialerinerullu iluani suliaqartunut misiliummik pikkorissaaneq
Suleqatit
Ataqatigiissaarisoq: Niuernermik Ilinniarfik, Greenland
- Centro Integrado Público de Formación Profesional Misericordia, Spain
- FEMXA FORMACIÓN S.L.U, Spain
- Social Cooperative of Cyclades, ALTERA VITA, Greece
- ASOCIACION PARA LA GESTION DEL CENTRO EUROPEO DE EMPRESAS E INNOVACION DE BURGOS, Spain
- UNIVERSITATEA DE VEST DIN TIMISOARA, Romania
- JU Srednja ekonomsko-ugostiteljska škola Bar, Montenegro
DISCLAIMER
The European Commission’s support for the production of this publication does not constitute an endorsement of the contents, which reflect the views only of the authors, and the Commission cannot be held responsible for any use which may be made of the information contained therein.
-
-
Aperto: lunedì, 2 giugno 2025, 00:00
-
-
-
